ئەمڕۆ سێشەممە، ٢ی حوزەیرانی ٢٠٢٦، محەمەد سەمعان ئاغا پارێزگاری کەرکووک بەبۆنەی نۆیەمین ساڵیادی دامەزراندنی گرووپی میدیایی تەبا پیرۆزبایی لەم ئاژانسە کرد.
ئاماژەی بەوەشکرا، محەمەد سەمعان لە پەیامێکی پیرۆزباییدا ڕایگەیاند خۆشحاڵین کە گەرمترین پیرۆزبایی ئاڕاستەی ئیدارەی ئاژانسەکە و تەواوی کارمەندانی بکەین و لێرەوە هەڵوێستی نەگۆڕی خۆمان لە پاڵپشتیکردنی ڕۆژنامەنووسان و ڕاگەیاندنکاران دووپات دەکەینەوە.
ئەوەش خرایەڕوو، هەروەها شانازی و ڕێزی خۆمان بۆ هەوڵە پیشەییەکانی ئەم ئاژانسە و سەرجەم دامەزراوە ڕۆژنامەوانی و ڕاگەیاندنەکان دەردەبڕین کە لە پارێزگا ئازیزەکەماندا کار دەکەن و مێژووەکەی و پێکەوەژیانی خەڵکەکەی و ناسنامە خۆشەویستەکەی دۆکیۆمێنت دەکەن.
لێدوانەکان داخراون.