دەستەی ڕاگەیاندن و پەیوەندییەکانی عێراق هەڵوەشاندنەوەی گرێبەستەکەی لەگەڵ کۆمپانیای کۆڕەک تیلیکۆم و راگرتنی سەرجەم کارەکانی ڕاگەیاند، دهڵێت، ڕێوشوێنی یاسایی بەرامبەر بە کۆمپانیاکە دهگرێتهبهر بەهۆی پابەندنەبوونی بە مەرجەکانی ڕێککەوتنهكهوه.
دەستەی ڕاگەیاندن و پەیوەندییەکانی عێراق ئەمڕۆ سێشەممە له راگهیهندراوێكدا هەڵوەشاندنەوەی گرێبەستەکەی لەگەڵ کۆمپانیای کۆڕەک تیلیکۆم و راگرتنی سەرجەم کارەکانی ڕاگەیاند، ئهوهش هاوکاته لەگەڵ دەستپێکردنی ڕێوشوێنی یاسایی و كارگێڕی بەرامبەر بە کۆمپانیاکە “بەهۆی پابەندنەبوونی بە مەرجەکانی رێککەوتنهكهوه”.
ئاماژهی بهوهشكردووه، “بڕیاردراوە بە هەڵوەشاندنەوەی رێکەوتنهكه لەگەڵ کۆمپانیای کۆرەک تیلیکۆم و دەست بە ڕێکارە یاسایی و ڕێکخراوە و تەکنیکییەکان دهکرێت کە لە گرێبەستەکە و یاسا کارپێکراوەکاندا دیاریکراون، لەوانەش ڕاگرتنی سەرجەم کارەکانی کۆمپانیاکە و گرتنەبەری ڕێوشوێنی پێویست سەبارەت بە سەروەت و سامانی كۆمپانیاكه بەپێی چوارچێوە یاساییە پەسەندکراوەکان و بە هەماهەنگی لەگەڵ لایەنە پەیوەندیدارەکان”.
بەگوێرەی ڕاگەیەندراوەکە، بڕیارەکە، “بە پشتبەستن بە بڕگەکانی بڕگەی (١٢، ١٣، ١٥، و ١٦) لە ماددەی (پێنجەم/ ئەرکەکانی لایەنی دووەم و میکانیزمی پارەدان)ی ڕێککەوتنی یەکلاکردنەوە، دوای ئەوەی سەلمێندرا کە کۆمپانیاکە پابەندبوونە گرێبەستییەکانی پێشێلکردوە و پابەند نەبووە بەو مەرجانەی لە گرێبەستەکەدا هاتووە، سەرەڕای ئەوەی کات و دەرفەتی پێویستی پێدراوە”.
له راگهیهندراوهكهدا هاتووه، كاتی پێویست دراوه به كۆمپانیاكه كه باری یاسایی خۆی ڕاست بکاتەوە و ئەرکە دارایی و گرێبەستییەکانی خۆی جێبەجێ بکات، بهڵام پابهندنهبووه و دەسەڵات هەموو ڕێوشوێنێکی یاسایی و ڕێکخراوەیی و تەکنیکی پێویست دەگرێتەبەر بۆ جێبەجێکردنی بڕیارەکە و چاودێریکردنی کاریگەرییەکانی، بە هەماهەنگی لەگەڵ دەزگا نیشتمانی و نێودەوڵەتییە پەیوەندیدارەکان.
ئهوهش خراوهتهڕوو، “ئهو ههنگاوه بۆ دڵنیابوون لە پاراستنی مافەکانی دەوڵەت، پاراستنی سامانی گشتی، کۆکردنەوەی قەرزەکان و جێبەجێکردنی ئەرکەکانی کۆمپانیاکە بەپێی یاسا و ڕێسا کارپێکراوەکان دهنرێت”.
دەستەی راگەیاندن و پەیوەندییەکانی عێراق دهڵێت، “دەسەڵات داوای لە سەرجەم قەوارە فەرمی و نافەرمیەکان و هاوڵاتیان کردووه کە ئەو بڕیارە لەبەرچاو بگرن و خۆیان لە هەر مامەڵە و بەڵێننامەیەکی نوێ، یان گرێبەستێکی نوێ لەگەڵ کۆمپانیاکە بەدووربگرن”، جەختیشی لەوە کردەوە کە “کۆمپانیا بەرپرسیارێتی یاسایی و دارایی تەواوی لە ئەستۆدایە لە جێبەجێنەکردنی ڕێککەوتنی یەکلاکردنەوە”.
روونیشیكراوهتهوه، “بڕیاری هەڵوەشاندنەوەی رێککەوتننامەی یەکلاکردنەوە و ڕێکارەکانی دەرئەنجامی لێوە دێتە چوارچێوەی پیادەکردنی دەسەڵاتە یاسایی و ڕێکخستنەکانی و پاراستنی سامانی گشتی و پاراستنی مافەکانی دەوڵەت و هاوڵاتیان و دڵنیابوون لە پابەندبوون بە یاسا و ڕێسا و ڕێنماییە کارپێکراوەکان”.
کێشەی سەرەکیی کۆمپانیای کۆڕەک تیلیکۆم لە عێراق پەیوەستە بە قەرز و ململانێی دارایی لەگەڵ دەستەی راگەیاندن و پەیوەندییەکانی عێراق، کە بەهۆی پابەندنەبوون بە دانەوەی قەرزە کەڵەکەبووەکان (کە بە زیاتر لە ملیارێك و ٢٥٠ ملیۆن دۆلار دەخەمڵێنرێت)، بووەتە هۆی سەپاندنی سزای توند و ڕاگرتنی خزمەتگوزارییەکانی.
لێدوانەکان داخراون.