وەزارەتی ڕۆشنبیری، گەشتوگوزار و شوێنەواری عێراق، چوار هۆبەی نوێی بۆ ڕۆشنبیریی تورکمانی لە چوار پارێزگا دامەزراند.
وەزارەتی ناوبراو، بڕیارێکی نوێی سەبارەت بە گەشەپێدانی پێکهاتەی کارگێڕی بەشی ڕۆشنبیریی تورکمانی دەرکرد و چوار هۆبەی نوێی لە چەند پارێزگایەک هێنایە کایەوە.
بەپێی فەرمانێکی وەزاری کە واژۆی سروە عەبدولواحید قادر، وەزیری ڕۆشنبیری بە وەکالەتی لەسەرە و لە ڕێکەوتی ٧ی تەممووزی ٢٠٢٦ دەرچووە، ئاماژە بەوە کراوە کە بەپێی ئەو دەسەڵاتانەی بەپێی یاسای ژمارە ١٢ی ساڵی ٢٠٠١ بە وەزارەت بەخشراوە و لەپێناو بەرژەوەندی گشتیدا، بڕیاری دامەزراندنی چوار هۆبەی نوێ لە چوارچێوەی بەشی ڕۆشنبیریی تورکمانی دراوە.
هۆبە نوێیەکان لەسەر ئاستی چوار پارێزگای گرنگ دابەشکراون کە بریتین لە: کەرکوک، سەڵاحەددین، دیالە، و نەینەوا.
لە کۆتایی فەرمانەکەدا جەخت کراوەتەوە کە ئەم بڕیارە لە ساتەوەختی دەرچوونییەوە دەخرێتە بواری جێبەجێکردنەوە، ئەمەش وەک هەنگاوێک بۆ گرنگیدانی زیاتر بە چالاکی و فرەیی ڕۆشنبیری لەو ناوچانەدا دەبینرێت.
لێدوانەکان داخراون.