وەزارەتی کارەبای هەرێم ڕایگەیاند کە هاوبەشانی پڕۆژەی ڕووناکی تەنیا ٥٠ ڕۆژیان لەبەردەمە بۆ پارەدانی پسولەکانیان، ئەگینا بە شێوەیەکی ئۆتۆماتیکی کارەباکەیان دەپچڕێت.
وەزارەتی کارەبای بڕیارێکی نوێی سەبارەت بە کۆکردنەوەی کرێی کارەبا لە پڕۆژەی ڕووناکی ڕاگەیاند.
بەپێی ڕاگەیەندراوەکە، هاوبەشانی ئەم پڕۆژەیە تەنها ٥٠ ڕۆژیان لەبەردەمە بۆ دانەوەی بڕی پسولەکانیان لە دوای دەرچوونی، بە پێچەوانەوە لەلایەن سیستەمەکەوە بە شێوەیەکی ئۆتۆماتیکی کارەباکەیان دەپچڕێت و تاوەکو تاكو ئەو کاتەی قەرزەکانیان لە ڕێگەی سەکۆی “ئی-پسولە”وە دەدەن.
لە ڕاگەیەندراوەکەدا ئاماژە بەوەش دراوە، کە جگە لە پسولە نوێیەکان، قەرزی پێش پڕۆژەی ڕووناکیش (قەرزە کۆنەکان) لە ماوەیەکی نزیکدا دەخرێنە ناو هەمان سیستەمەوە؛ واتە ئەگەر ئەو قەرزانەش نەدرێنەوە، دەبنە هۆکار بۆ پچڕانی ئۆتۆماتیکیی کارەبا.
لێدوانەکان داخراون.