بەڕێوەبەرایەتی هاتووچۆی هەولێر (ئەربیل) شوفێران ئاگادار دەکاتەوە کە ڕێگای هەولێر (ئەربیل) کەرکوک دادەخرێت.
لە ڕاگەیەندراوی بەڕێوەبەرایەتییەکەدا هاتووە، “ئاگاداری شوفێرانی شاری هەولێر دەکەینەوە ئەمڕۆ چوارشەممە کاتژمێر (٩:٠٠ بەیانی ) ڕێگای هەولێر کەرکوک ئاراستەی چوون بۆ کەرکوک دادەخرێت بە مەبەستی نۆژەن کردنەوەی شەقامەکە لە مەفرەقی مورتکەوە تا مەفرەقی قوشتەپە”.
ئاماژە بەوەش دراوە، “ئەو ئۆتۆمبێلانەی لە ڕێگای هەولێر بەرەو کەرکوک دەڕۆن دەبێت لە مەفرەقی مورتکەوە بچنە سەر ڕێگای کۆنی کەرکوک پاشان لە قوشتتەپە جارێکی تر بێنەوە سەر ڕێگای سەرەکی هەولێر کەرکوک . ئەم کارە درێژەی دەبێت تا کاری نۆژەن کردنەوەی ڕێگاکەو و دروستکردنی دەروازەی هەولێر لە مەفرەقی قوشتەپە تەواو دەبێت، داوا لە شوفێران دەکەین ئارامییان هەبێت تا کاری نۆژەنکردنەوەکە کۆتایی پێدێت و ڕێگاکە ئاسایی دەبێتەوە و بەڕووی شوفێران دا دەکرێتەوە”.
لێدوانەکان داخراون.