ئەنجومەنی باڵای دادوەریی عێراق ڕایگەیاند، لە دۆسیەی بریکاری وەزارەتی نەوتدا ٢٥ ملیار دینار و ٢٠٠ هەزار دۆلار دەستی بەسەرداگیرا.
لە ڕاگەیەندراوێکدا ئەنجومەنی باڵای دادوەریی عێراق دۆزینەوەی بڕێکی دیکەی پارە و زێڕی لە دۆسیەی بریکاری وەزارەتی نەوت ڕاگەیاند.
بەپێی ڕاگەیەندراوەکە، لە ناو دیواری چەند ماڵێکدا ٢٥ ملیار دیناری عێراقی، ٢٠٠ هەزار دۆلاری ئەمریکی و ٤ کیلۆگرام زێڕ دۆزراوەتەوە.
ئاماژە بەوەش درا، بەشێک لە پارەکان لای ژمارەیەک کەس دانرابوون و بەشێکی دیکەشیان لە ناو دیواری چەند خانوویەکدا شاردراوە بوو.
سەرنجی ئەم هەواڵە بدە
جەخت لەوەش کرایەوە، لێکۆڵینەوەکان بۆ دۆزینەوەی داهاتەکانی تاوان و ناسینەوەی ئەو کەسانەی پەیوەندییان بە کەیسەکەوە هەیە، بەردەوامە.
لێدوانەکان داخراون.